China tzümetsüng nung raliwalir 8 asü

Beijing, May 29 (Agencies) : China anülulentip tsütsü Guangdong province nung tzümetsüngba ajanga tajemba agi raliwalir parnok nisung 8 taküm samaogo, ta Deobarnü sorkar sangdong ka ajanga metetdaktsü.
Item raliwalirtem ya Honibarnü Jiangmen yimti nung aliba ayong ka nung rong ka nung mener lia aoksaa tzü metsüngbangang asü, ta Xinhua news agency osang ajanga ashi.
Honibarnü iba lendong nungi nisung trokbo kümzükteta lir aser tasümang pongubo indangjisa angu. Iba sülen tekümzükertem ayong nungi Deobarnep ano tasümang asem agitetsem.
Tsüngsang majungata metetsümonga kechiba item raliwalirtemji rong nung jajadaktsü’ar ibaji yimti sorkari bushisüngdangdar.

You must be logged in to post a comment Login