ChinaAid President-i tepuokdak alirtem atema jembitsü

Washington D.C., October 13 (Agencies): ChinaAid president & founder, Bob Fu-i Senator Marco Rubio aser Representative Chris Smith na dena Trump sorkar nung ketdangsertem den ajurutepogo.
October 5, 2017 nü Fu den Chongyu Xia (human rights lawyer Xia Lin’er jabaso); Wang Yanfang, (human rights lawyer Jiang Tianyong kinungtsü); Jewher Ilham (Uyghur scholar Ilham Tohti’er jala), aser Jin Bianling (human rights lawyer Jiang Tianyong kinungtsü) nungertem liasü.
Anepdang 10:30 ako nung Congressional-Executive Commission on China (CECC) den osangbener senden ka amendang, Fu aser kinunger pezü jagi CECC Chairmen- Senator Marco Rubio aser Representative Chris Smith na den külemi shilem agi.
Iba mapang Congressional Chairman Tom Lantos aser Human Rights Commission, Representative Andy Hultgren na densema liasü.
Iba mapang Rubio aser Smith nati CECC-i bushitetba osang pezü metetdaktsü aser parnoki Tir Trump dang shidangba onüktem lemsatep.
CECC-i abenba onüktem rongnung tang China nung tamangba yimsü nüjiso aser human rights tensa mejungi akümba indang dena lir.
Tawa tu Hong Kong Umbrella Movement lennirtem- Joshua Wong, Nathan Law aser Alex Chou nungertem apu.
Rubio-i jembidang, par asem chioktsüba ya kanga tongtipang ta ashi aser par asem Nobel Peace Prize atema tenüng benoktsü atema pa den Smith tenati Congress nung züngsemtem den jembitsü, ta metetdaktsü.
Osangbener senden amenba sülen White House nung CECC züngsemtem- Staff Director Elyse Anderson, Director of Communications & Policy Scott Flipse aser Deputy Staff Director Paul Protic nungertem dena sendentem amen.
Iba sülen parnok State Department nung ketdangsertem den ajurutep aser iba mapang Maggie Dougherty, Senior Policy Advisor for Nikki Haley, the U.S. Ambassador to the U.N densema liasü.