China’er PLA 2020 tashi nung mitkar telok tajungtiba akümtsü

Beijing, May 13 (Agencies): China-i züngsem million 2.3 shi densemba People’s Liberation Army (PLA) tajungba küma melenshitsüren tembanga, tarutsü mapang, 2020 tashi nung alima ajunga nung mitkar telok tajungtiba akümtsü alizüng ayuba osang ka China’er mitkar lenirtemi tanü, Hokolbar nü metetdaktsüogo.
Tang tenzüka aliba 13 buba kümsük 5 densemba mitkar renemshitsü mapatong (2016-2020) den sentaktepa, taruba küm 5 tashi nung China Tir, Xi Jinping-i aniba PLA mitkartem jenjang tajungba küma melenshitsü renemba olen ka China’er Central Military Commission (CMC)-i sangoksü.
“2020 küm tashi nung PLA mitkartemi tongpang raratsü terenemshiba tajungtiba agiba den külemi, parnok information aser computer technology mongintem kümdakja, alima ajunga nung mitkar telok tajungtiba kümdaktsütsü alizüng yua lir,” ta CMC-i shisem.