Chinese musical ajanga Shakespeare bilemteter

Beijing (China), Jan. 03 (Agencies): William Shakespeare sür küm 400buba jungmung nung Chinese musical, “With Love, William Shakespeare” ajanga asür nem tetushi agüja pa bilemteter.
Iba musical ji Beijing nung aliba Star Theatre nung Dec. 31, 2015 nü nungi Jan. 31, 2016 nü tashi akatsü aser iba nungji ‘Romeo & Juliet’, ‘Twelfth Night’, ‘The Taming of the Shrew’ aser ‘A Midsummer Night’s Dream’ densema Shakespeare indang classics tem tanü putu nung China den medemdanga ratettsür, ta Xinhua osang ajanga metetdaktsü.
Iba musical ajanga, lanur nisung pezüi parnok taküm nung timtem adokba mapang shia Shakespeare indang mapatem nungi telangzüba bushir saka tamakok aser tejashi dang ajuruba otsü sayur.
British Council-i Shakespeare sür küm 400 ajungba bilemtettsü atema senotsü teyari agütsür.
Taküm linük 140-i ‘Shakespeare Lives’ programme ayonga agitsü.