Chingmei aser Noklak tsüngda gari tulu senzütsü memelar

Noklak, Sept. 17 (TYO): ADC Noklak, M.Chaitanya Prasad, IAS-i sangdong ka ajanga, Chendang Saddle nungi kilometer 11 pilar Lien ayong nung apu raksaogo, aser iba ya tamajungba raksara Sub-division aser State na sendaktepba lenmang malitsü, anungji Chingmei nungi Noklak tashi gari tulutem senzütsü memelar, ta metetdaktsü.
Sangdong ka magütsü tashi iba lenmang nung Tata 407, Mahindra Pickup, Tata 207 aser Sumo, Jeep, Bolero aser tanga gari tilatem ang senzütsü melatsü; Commercial, Taxi Service operators dang gari nung touzük tali mabentsü tuyur; aibelener dang senchi achitsü, ta sangdong nung shia lir.