Chiragh-i tan mezüngsüa Asian Tour takok marok agizüker

New Delhi, November 09 (Agencies): India nunger Chiragh Kumar-i Panasonic Open India golf asayamong takok marok yashi Deobar nü agizükogo.
Chiragh-i tan takok marok agizükba ya pai golf asayatsü tenzüker tanü tashi nung tan mezüngsüa Asian Tour takok marok agizüker lir.
Chiragh-i final asaya nung birdies 3 tashi yanglua ajak agi points 275 ngua Thailand nunger Thaworn Wiratchant aser Bangladesh nunger Siddikur Rahman na den temaba jenjang ngua tan takokbaji angu.
“Ni küsasa kü dak temulung melemteti bilemba yong tanü asaya tetenzüklen ni bilemba ama junga shilem magitet. Ajisüaka, tatem nungbo ni jenjang tajungba ngua takok marok agizük,” ta arishi küm 31 tain Chiragh-i tesülen metetdaktsü.