Chiranjeevi tapo operation agitsü

Mumbai, February 4, 2016: Superstar Chiranjeevi Brihostibarnü Mumbai mozüki ka nung tapo operation tila ka agitsü, ta sangdong ka ajanga metetdaktsü.

“Iba operation ya kanga tila. Tesüiba ita ishika pa tapo nung angoayang tera liasü. Iba angoayang ajanga pa tan film tangokba mapang tim matemtsü asoshi operation agitsü mulungtet.

Pa March ita nungi tenzüka film tasen ka nung shilem agitsü sentong lir,” ta kasa sangdong ajanga IANS dang metetdaktsü.

Iba operation agiba sülen pa dang hopta ana anisüngzüktsü tetuyuba agütsüogo.

March ita tanabuba hopta nungi, Tamil film “Kaththi” Telugu nung yanglushiba film, nung Chiranjeevi shilem agitsü. Iba film tenüng kechi ajatsüar ano melemtet.