Chirnurji Kibuba nungi anguba senmang

“Angang, chirnurji Kibuba nungi anguba senmang lir: Aser nu menden nungi tejangji pa tajangzük lir” – T.Ken 127:3
Alima nung senmang aika lir. Tsürabur senmang ya asenok sobaliba nung tongtibang ka ama amshia arur. Saka asenoki metettsüba kaji senmang ajak ya Tsüngrem meyong aserpai agutsüba lir. Asenok asoshi senmang tongtibang kaji Tsüngremi asenok nem chirnur moatsüba ya ka lir. Atangji, tanü tsüraburtem, shirnoksa Tsüngremi asenok nem chirnur moaja lir asenoki Tsüngrem nem tenüngsang agütsüdi, kechiaser iba ya Tsüngremi asenok nem agütsüba senmang ka lir.
Tanü asenok tsürapurtemi chirnurtem ya, Tsüngrem tesayuba aser Pa O nung asenoki aser tanela nung mesamai indaktsütsüla. Tazüngkünem 6:7 yamai ashir; “Itemji nai ner chirnur dang nentaka sayuang, aser na kidang mena alidang, aser na lenmang nung jajadang,aser na mejangdang, aser na shishidang item indang jembiang, aser nai itemji temaitsü asütsü nü ket nung alenlokang. aser itemji ne teniasü nung temaitsü asoshi alitsü”
Sarasadem: Kibuba, Nü senmang koba chirnur nai moaja lir, Onoki nü dang pelar. Amen