Chiyongzükli itemi meinyaktsüla

Nisungtemi tepok sünga chiyongba sülen aiben azümesena anünüa akümer. Aikati chiyongkiyonger khen anisüngzüktsü bilemdang aiben memeteti amozüka aor. Ano, karibo chiyongzükli mokoa achir. Ajisüaka, yamaji inyakbaji temang atema majung ta mozü mongintemi ashir.
Tepok sünga chiyongba sülen itemi meinyaktsü merangtsüla:
# Memejangtsüla: Tepok sünga chiyongba sülen zükdaka memejangtsüla. Chiyongzükli mejangra, asen mejanger sakdanga asen tepok sünga ali ama küma asen temang retdaktsür. Iba ya tepok nung chiyongtsü junga memenüngsaba ajanga lir.
# Moko machitsüla: Chiyongzükli moko 1 achibaji ken nung cigarette 10 den saku lir. Moko achiba ajanga temang nung timtem jenti bener arutsür anungji, moko machitsü merangtsüla.
# Tzü mechigotsüla: Chiyongzükli tzü chigoba ajanga tepok nung chiyongtsü menüngsatsü mapang tali agir. Chiyongzükli tzü chigoba ajanga tepok meketa aliba azüi chiyongtsü menüngsatsü mapa meinyaki temang shilem tangai oadoker.
# Süngjanglijang machitsüla: Chiyongzükli süngjanglijang achiba agi tepok nung chiyongtsü menüngsatsü maparen nung yarir ta aikati bilema jembir. Ajisüaka, süngjanglijang ya chiyongtsü mesüra chiyongzüker ghonda 1 mesüra 2 jakdang mesüra tesülen achijitsüla. Chiyongzükli achiba süngjanglijangji tepok nung junga memenüngsateti akümer.
# Süngo majemtsüla: Chiyongzükli süngoa majemtsüla kechiyong süngo tou ya acidic lir aser iba jagi tepok nung chiyongtsü menüngsatsü maparen nem timtem agütsür. Chiyongzükli süngo ajemba ajanga temang nung iron tashi bendenba maparen nema tetsükdakba agütsür.

(Source – Internet)