Chiyungtsü agütsütsü atema Aadhaar mamshitsüla

Chandigarh, February 19 (Agencies) : National Food Security Act (NFSA) kübok jangotsü agizüktsü atema Aadhaar number agütsütsüla ta Centre-i osang sangdong saka Right to Food Campaign (RFC)-i Centre dang iba tetuyuba meyipa agitsü takhangba agütsüogo.
February 8, 2017 nü Ministry of Consumer Affairs, Food and Public Distribution-i NFSA kübok jangotsü agizüktsü atema Aadhaar number alitsüla ta tetuyuba ka agütsü. Ano, February 6 nüa Ministry of Women and Child Development-i Anganwadi workers aser helpers Aadhaar alitsüla ta sangdong. Maneni, taoba ita Ministry of Rural Development-ia March 31 tashi nung MGNREGA worker ajaki Aadhaar numbers agizüktsüüla ta tetuyuba ka agütsü, ta RFC convener, Kavita Srivastava-i ashi.
“Item sangdong ya Supreme Court tetuyuba anema lir, kechiyong SC-i iba atema obendang tatembang ka magütsü tashi, Aadhaar ji ‘purely voluntary’ asütsü ta shia lir” ta Kavita-isa ashi.
Centre-i sangdong agütsübatemji ozüng hau ta melii inyakba ka lir, ta laisa shisem.
Laisa ashiba agi, “Centre-i Aadhaar alitsüla ta asüba ajanga sensakertem tetsüdaktsü ajurutsü. PDS agütsüba reprangdangra, Jharkhand aser Rajasthan nung tangütsüpur noklang nung shilem 30 shi ka Aadhaar-linked biometric authentication system ajanga tangutsü tim manguba bushiteta lir.”
Scheme tem ajaki angutsüsa mapa inyakba nung tetsükdaktem melidaktsütsüla, kechiyong UID mandatory kümdaktsüba ajanga sensakertem ang taliba timtem ajurutsü,
“Aadhaar system atema Internet, electricity, PoS machine, remote servers aser khenkhen mobile networks nüngdaker. Anungji, ibala technology amshia NFSA kübok jangotsü agütsüba nung tetsükdaktsü ajurutsü ta onoki bilemer” ta Right to Food Campaign (RFC) convenor-isa metetdaktsü.