CHO Induction Training tanü nungi tenzükogo

Dimapur, Rongchii/April 23 (TYO): State ajunga nung Health & Wellness Center temi yoktsüpur, Community Health Officers (CHOs) tem atema anogo asem Induction Training, April 23nü Directorate of Health and Family Welfare, Kohima, Conference Hall nung tenzükogo. Community Health Officers (CHOs) tem den jembiba mapang DoHFW, Principal Director, Dr.Vikeyie Losu-i ashiba agi, grass root level nungi National Health Mission kübok jenjang tasen agitsü aser universal health care nüburtem nem agütsütsü nükjidong nung CHOs tem shim. Paisa, sub centers aser Primary Health Centers (PHCs) tem Health & Wellness Center-i ajungketba ya nüburtem tem nem jenjang temelaba aser ayonga ayonga health care facility agütsütsü asoshi lir, ta ashi.
National Health Mission, Mission Director, Dr. Kevichusa Medikhru-i workshop akaba nükjidong indang jembidang, CHOs tem nükjidong tongtibangtibaji sub center tem nung temelenshi bener arutsü asoshi lir, ta ashi. Paisa, sub centers aser PHC tem Health Wellness Center-i ajungketba ya kiojen tuluba yanglushia nüburtem atsüa arutsü asoshi masü saka inyakyim ajungketa health services tajungba agütsütsü asoshi lir. HWC-i ajungketba aser CHOs tem shimba ajanga temelenshi bener aruba rongnung tongtibang mapa kaji memenatepba tashidak asadangtsü asoshi maongka agütsütsü aser yimdak yimtsü nung alirtem senotsü tajemba indokdaktsütsü aoshi lir.
Maneni CHO pei tata tesem nung health service maneni agütsüba den nüburtem nüngdakba apir temelenshi bener arutsü imlar. Paisa, tang shimba ketdangsertem dang parnok nem nongloktsüba mapa temulung agüja inyaktsü aser nüburtem tenzüktsü asoshi tajangshiba tajung ka ama agitsü ajungshi. Maneni Dr.Vikeyie-i ashiba agi, sentong ajak ya nüburtem asoshi tongtibang lir anungji parnok mapai mao tsüngda arangshitsü, shisatsü shidak agütsütsü aser renemshia atatsü atema iba workshop ya program officers ajak teyari agia ayongzükogo.
Sentong nungsa SPO NHM Dr.Thanghoi Lam-i tepela o jembiba mapang CHO tem mapa nung aniokba sentong nung Developmental partner Jhpiego, IGNOU, Medical superintendent, NHM officer aser Staff temi teyari agütsüba atema parnok tenüng asang.
Paisa officer tasentem dang sub center level nung inyakyim ajak achaayangtsü asoshi renema alitsü aser parnok mapa nung ajemokli nungi mapa inyak tenzüktsü aser universal health maongka ajak nem agütsütsü ajungshi.
Iba work shop ya NHM, Deputy Director, Dr. Manyau Phom lenisüba kübok aka. CHO tem parnok 40 state kübok sub centers -HWC balalai yoktsü.
Workshop anogo asem akaba mapang Child Health, Maternal Health, Family Planning, Adolescents Health, Non-Communicable Disease, Financial Norms, Community Process, Record Keeping, PMjAY (Medical Insurance) aser National Leprosy Program tem dak sendakba nung tangazükba agütsütsü.
Health & Wellness Centre ya Sub Centre aser Primary Health Centre tem H&WC-i ajungketa nüburtem nem primary Health Care agütsütsü asoshi lir. Iba dak sendakba nung Department of Health & Family Welfare -Nagaland (NHM)-i, SC 56, PHC 2 aser UPHC 3 mezüngbuba shilem nung ajungketogo. Iba inyakyim achaayanga inyakba nükjidong tongtibangtibaji Healthcare ajak nem agütsütsü asoshi lir.
Health & wellness center nung service 12 agütsütsü:
1. Mashisa aliba mapang aser tanur asoba mapang teyari agütsütsü
2. Neonatal & Infant Health Care Services
3. Childhood & Adolescent Health Care Services
4. Family Planning, Contraceptive Services aser tanga Reproductive Health Care Services
5. Management of Communicable Diseases: National Health Programmes
6. General Out-patient Care for Acute Simple Illnesses and Minor Ailments
7. Screening, Prevention, Control & Management of Non-communicable Diseases
8. Care for Common Ophthalmic & ENT Problems
9. Basic Oral Health Care
10. Elderly & Palliative Health Care Services
11. Emergency Medical Services including Burns & Trauma
12. Screening & Basic Management of Mental Health Ailments