Chozuba town nung 144 Cr Pc agütsü

Dimapur, Jan. 06 (TYO) : Brehostibar nü Phek district kübok Chozuba nung Town council election agitsü asoshi tenüng agüja aliba nomination paper-tem ADC office nungi nisung kari rakzüka bener aotsü merangba lendong atalokba mapang ADC office nung nisungtem agi ki oset aser ki kichiba kar raksatsüba sülen ADC-i Chozuba town nung nisung 144 CrPC ozüng agütsüogo.
Iba ozüng ya town council election magidaktsütsü asoshi nisung kari inyaktsü ama reprangtetba agi agütsür, anungji ano ozüng ka ajanga magien tashi Chozuba town nung 144 CrPC ozüng maneni alitsü ta ADC-isa metetdaktsü.