Chris Brown anema pa sapur kati ken o benok

September 02, 2015: Chris Brown San Jose, California nung January ita nung kenten sentong ka akadang tatemtsütsü lendong adoka injang agi yirur alisang, pai mereprangi yutsüba ajanga pa sapur kati Chris anema ken o benokogo.

Paul Briley-i ‘Loyal’ ken ajanga nüngtugu akümsang, Chris anema ken o benokogo.

Paul-i ashiba agi iba kenten sentong akadang parnoki security akhanga mayuba ajanga iba aonung sentong tatem tsütsü pa dena nisung pongu tashi injang agi yirua liasü.

Pa temang nung timtemba, shisatsü nung okrongdaktsüba aser yirur timtemba asoshi temonok meshia iba ken o benokba lir, ta E! News ajanga metetdaktsü.

Arishi küm 26 tain, Chris kokatsürtemi ashiba agi, tang Paul-i benoka aliba ken oji obendangeri magizüktsü aser parmoki ang meyiper Paul anema ken o benoktsü sentong lir.

Chris meyong otongdari, “Mapa shia iba ama lendong atalokba ya asen lokti asoshi kanga maksü lir aserkodang iba amala lendong atalokdir karbosa yirua kanga tim atemer,” ta ashi.

“Aji süaka tan benokba ken o yabo kanga tesashi masü. Iba case ya magizüktsü ta onoki imlar. Chris anema iba ama ken o joko mebenoktsü asoshi onoki ken o benokeraserpar okatsürtem dang timtmdaktsüba asoshi temonok meshitsü, ta paisa shisem.