Chris Brown-i korang auyaba atema sen meshir

Los Angeles, May 30, 2016 : Yaküm kenten sentong ka nung kentener Chris Brown-i kü indang korang auya ta shia pa sapur kati case benokogo.
2015 küm Dallas nung Brown indang kenten sentong ka reprangdang pa nem sign südaktsütsü atema ni kü korang pa den inyaker ka nem agütsü, ta pa sapur nisung ka tenüng agi Marq Stevenson-i benokba case nung shia lir, ta tmz.com osang ajanga ashi.
Aji oda süaka tatem nungbo Marq Stevenson korang aser Brown indang sign naprong mongui kidangi meyipa ao. Ni arishi küm 27 tain, kentener den inyaksangi ashioktsüogo, ta Marq-i ashi.
Pa ashioktsüba atema Stevenson-i Brown dang korang aliba jenjang sen dollar 25, pa kenten sentong reprangtsü atema ticket aliba sen dollar 225 aser pa ashiokja takoksa bentsür aruba atema sen dollar 2,500 meshir.