Chris Brown-i pa kensep nem par jala tenüng jaloktsütsü

August 24, 2015: Chris Brown-i, pa meyong kensep tenet buba tenüng par jala tenüng jaloktsütsü, ta twitter ajanga metetdaktsü.

Arishi küm 26 tain, Chris meyong kensep tenet buba taküm küm tatemlen sayatsü imlar aser pai April ita par jala ta metetdaktsüba jala, Royalty, tenüng iba kensep nem jaloktsütsü.

Twitter nung pai, “Kü kensep tasenba tenüng “”ROYALTY” asütsü,” ta lemsatepogo.

2014 küm ‘X’ kensep adokba sülen tan mezüng iba kensep tasenba adoktsüba lir koba nung ‘Loyal’ aser ‘New Flame’ kentem lir.

Hip hop kentensang ya Rita Ora dena ‘Body On Me’ ken indang project nung külemi inyaka liasü. Iba kensep indang inyakyim tejangjabo pai ano memetetdaktsü saka taoba mapang pa medema alila, Rihanna-i iba kensep nung kanga shilem aginer, ta osang kar ajanga metetdaktsü.

“Pa meyong kensep tasenba, Royalty atema Rihana-i pa den tebilemba tajung dang lemsateper. Lai, par jala yamai meimba aser akümtsübua amshiba ya ajak asoshi otsüsütsü ka lir, ta ashi. Lai iba kensep nung shilem aginer aser inyakyim ajak külemi lemsatepa inyakner. La nem iba maongka makatsü nungbo la temulung kanga yirutsü,” ta kasa osang ajanga ashi.

2011 küm la meyong remix ken ‘Birthday Cake’ nung Chris tena külemser inyaka liasü aser lai tena külemi shilem agitettsüsa joko ken-a ka zülutsü tenzükogo.

“Chris-i jala tenüng dak jaloka, iba kensep nung temulung bendanga agütsü amai Rihana-i bilemer aser la-a iba nungji shilem ka süner,” ta meteta alir kari HollywoodLife.com dang ashi.