Chris Gayle-i Amitabh Bachchan nem pa indang bat sempet agütsü

Mumbai, February 27, 2016 : Cricket asayar Chris Gayle-i pa meyong bat nung pai sign sür agütsüba mapang Superstar Amitabh Bachchan-i mamangteti liasü.
Bachchan-i, West Indies cricker asayar ka den temba akümba asoshi ni kangasa pelar, ta ashi.
Arishi küm 73 tain, Bachchan-i International batsman ka nungi pa nem sempet tulu agütsüba asoshi social media sabang aika nungi pa pelaba lemsatepogo.
Pai, “Chris Gayle tenüng asanger. Nai ni metettsü ta ni kodanga memetet liasü….ni kanga ajemalua kümogo….Onoki na kanga sapur…,” ta twitter ajanga lemsatep.
Gayle ya Indian Premier League nung asayar ka lir aser pai Bollywood ‘Shahenshah’ kanga sapur.
“Ni kanga nema tanga kü meyong ‘Spartan bat’ legend @srbachchan nem agütsür. Ni pa jilu aser pai shilem agiba film tem kanga sapur. Kanga pelar @spartancricket,” ta Gayle-i twitter ajanga lemsatep.
Big B-i pa dang pelaba lemsatepba sülen Gayle-i, “Memonoi India nung ajuruteptsü,” ta twitter ajanga ashi.
“Paa” film nung tongti shilem agisangi Facebook nung dena pa pelaba lemsatepogo. Pai, “WI nungi cricket asayar tajungtiba rongnung ka, Chris Gayle-i kü nem pa indang bat nung pai sign sür sempetogo!…Pai onok film tem sapur ta ni memetet liasü…kanga pelar,” ta lemsatep.
Tang ya Amitabh Bachchan temang tera menemi kidang anisüngzükdar.