Chris Gayle T20 nung Six 600 yanglur Batsman 1 buba akümer

Melbourne, December 19 (Agencies): Nungtugu West Indies cricket asayar, Chris Gayle-i tang tasayadak Big Bash League Twenty20 (T20) asayamong nung par Melbourne Renegades telok asoshi Six 2 tashi yangluba sülen otsü tasen ka tanü Honibar nü yangluogo.
Tanü Six 2 azükbaji densema, Gayle-i six 600 yanglur küma alima ajunga nung T20 asaya nung six 600 yanglur batsman mezüngbuba aküm.
Gayle sülen anidaka, West Indies all-rounder, Kieron Pollard-i six 388 yanglua tanabuba aser New Zealand nunger Brendon McCullum-i six 290 tahi yanglua tasembuba jenjang nung lir.
Tanü Brisbane Heat telok den asaya nung Gayle-i four-a ishika yanglua pai cricket asayatsü tenzüker tanü tashi nung four 653 yanglur akümba osanga jangjaogo.
Australia nunger Brad Hoge-i tanü tashi nung four 664 yanglua T20 asaya nung four timba yanglur batsman lir.
Jamaica nunger arishi küm 36 tain Gayle-i fastest hundred, highest individual score, highest rung-getter, mosct half-centuries aser most centuries densema T20 asaya indang otsü aika yanglua lir.