Chris Hemsworth-i fitness app ka sayatsü

Tsüklai/February 09 (Agencies): Chris Hemsworth-i ‘Centr’ ta nüngja agütsüba health aser fitness app ka sayatsü ternemba lir, koba ajanga alima nung temang anepaluba tsütsü tesayur mongin den user tesendaktep alitsü.
Arishi küm 35 tain Chris-i pa temang anepaluba maparen tsütsü bendanga agüja inyakba ajaki jangjaa lir aser tang, pai inyakbatem Centr app ajanga alima den lemsateptsü atema renema lir.
Centr app ya February 11, 2019 Hombarnü sayatsü aser iba app ajanga mapang shitak nung temang anepalutsü aser chiyongtsü achitsü mapang user nem metetdaktsütsü. Item inyakyim ajak ya online ajanga access sütettsü.
”Temang anepalutsü atema asenoki meinyakdangba aika lir ta ni bilemer aser item alizüng tongtettsü asoshi asenoki kati ka nungitsüla. Centr app ajanga nü temang anema aser taküm pela yutsütsü,” ta Chris-i ashi.
Iba fitness app nung inyakyim ajungaji temang anepalutsü mongintemi sayutsü aser aji user temi kidanga agitettsü. Iba denji külemi, hopta shia iba app nung workout tasentem sayatsü.