Chris Martin-i Ricky Gervais den külemi soundtrack yanglur

Los Angeles, October 19 (Agencies) : Coldplay kentener Chris Martin-i asayamenür Ricky Gervais den külemi ‘David Brent, Life on the Road’ indang film nung soundtrack yanglur.

Gervais-i Twitter nung Chris tena recording studio nung tangokba noksa ksa sayu.

“Tan hopta küna David Brent soundtrack kensep atema mezüng studio session teinyakdak lir” ta Gervais-i ashi.

British comedy series The Office nung asayamenür David Brent ama shilem agiba sülen Gervais-i Life on the Road nung kasa shilem agitsü.

“Ni iba film nung shilem agitsü kanga yongyar. Brent-i nisung tasen aser tensa tasentem ajurua aoba otsü ni matateter” ta Gervais-i ashi.

Life On The Road is due for release in August, 2016.

Taoba mapang nunga Chris aser Gervais nati comedy series ‘Extras’ atema külemi soundtrack yangluogo. Life On The Road ya August, 2016 nung sayatsü sentong lir.