Christian Bale-i Ferrari taküm otsü film nung shilem agitsü

Los Angeles, August 21 (Agencies): Hollywood actor, Christian Bale-i Italy nunger gari yanglur, Enzo Ferrari taküm otsü film nung Ferrari ama shilem agitsü renemogo.

Tesüiba mapang, 1950s nung alima ajunga nung Ferrari-i gari yanglutsü tenzükba mapang nungi tenzüka 1950s mapang tashi nung pai yangluba Ferrari gari alima ajunga nung kanga dang sapua akümba otsü nung ajemdaker iba film ya Michael Mann-i direct süa yanglutsü renema lir ta Deadline-i metetdaktsü.

Taoba mapang, 2009s nung ‘Public Enemies’ külemi yangluba sülenbo arishi küm 41 tain Bale aser Mann nati tan mezüngsüa film yanglutsü maongka angur lir.

Mann-i küm 15 tejaklen nungi tenzüka Ferrari taküm otsü nung ajemdaker film yanglutsü madang ayuba sülen tan mangdangji asangsang nung ataloker lir.

‘Ferrari (2017)’ film ya 1957 mapang atalokba ama yanglutsü sentong renema lir.

Iba mapang nung arishi küm 90 tain alidang 1988 küm asüsang, Enzo arishi küm 50 shi liasü.

Robert De Niro-i tongti shilem agia Ferrari taküm otsü nung ajemdaker film tanga ka yanglutsü sentong atongtsü tenzüka lir saka tanü tashi nung iba film den sentakba osang tejangjang angazüka mali.