Christian Edu. Deptt-i temesepba chiyongtsü anema nokdanger

ABAM Literature & Education Department-i temesepba chiyungtsütem nokdangba sentong renemba ama Kumlong Baptist Arogo Christian Education Departement-i August 23, 2015 Deobar anepdang Sunday School mapang anepdang 7:00 ako nungi 9:00 ako tsüngda poster/ placard Campaign ka ayongzüka ‘Onoki yimjung nung linür’ ta asüba omen nung ajemdaker ‘Oba yi tejem, Onoki na meimer’ aser ‘Oja yimlibilema ojang dang jemang’ ta zülua bener yimdongsüa lemjem lemjem nung sarasadema jajaogo. Iba sentong akaba ajanga tsüraburtem mulungjang nung timshi tangatetba (Positive impact) karbosa agütsütsü imlar ta S. Kümzük Asst. Superintendent-i  osang zülur den jembidang ashi. Iba sentong ya yi jemer anema masü saka yi ajanga raksatsüba lokti temenen anema ola madoki yimlusüba sentong ka lir ta metetdaktsü.

————————————————————————–

ABAM ajanga tetuyuba agütsüba ama Temesepba chiyongtsü nokdangba sentong Molungyimsen Christian Education Department-i August 22, 2015 anogo nung agidang tangokba noksa angur.

————————————————————————–

ABAM kübok Ao arogo nung tanurtemi temesepba chiyongtsü nokdangba maparen kar acha ayanga akatsü nungloktsüba ama August 22, 2015 nung East Dimapur Ao Baptist Arogo Christian Education Ministryi ayonga sentong tajung agidang tongokba noksa angur. Sentong nung Miss. Imkumla, Psychologist, Civil Hospital Dimapur, National Tobacco Control Program (NTCP) ajanga temesepba chiyongtsü nungi pilaa alitsü tangatetba tajung agütsü. Iba sülen tanurtemi kiyong balala nung educational posters maloktsüyonga ao.