Christian Higher Secondary School asayamong tempangogo

Dimapur, April 12 (TYO): 2017, April 12 nung Christian Higher Secondary School (CHSS), Dimapur indang ‘Annual Sports Week’ sentong tempangogo aser Typhoon House-i ‘overall champion’ sempet angu.
Dimapur Government College nung Professor aser CHSS Managing Board nung züngsem, Dr. Jamedi Longkumer, iba saisapong sentong shipangba nung tongti tesemdanger asü. Tongti tesemdangeri kaketshirtem dang saisapong aser temang shidak ayutsü asoshi meranga inyaktsü ajungshi.
“Nükjitong yanglutsü aser nükla tajung yur meranga inyakba ajanga asenoki temaba jenjang nung takok angutsü,” ta paisa shisem.
Kija aser telok-i asaya balala nung takok angurtem nem CHSS Principal, S.Moatemsu Walling-i sempettem agütsü.
Iba anogo nung CHSS Alumni aser CHSS tesayurtem tsüngda aar atsütep aser CHHS tesayurtemi takok angu.