Christian Standard Hr. Sc. School tila tanurtemi yimdong merüka jaja

Changtongya, Luroi/August 16 (TYO): Merükmejuba nung alima ajaki metetba aser sapuba linükji Japan lima lir. Par lima nung merükmejuba yimya ya kaket rejutem nung mezüngyongi sayua tenzüker. Parnoki ashiba agi, iba yimya ajanga dang tanur ka taküm nung rangpen terenlok agütsür aser item tanurtem ina aodang senso tajung kaka kümteter.
Japan nunger dang nungi iba yimya tajungji angazüka benshitsü nükjidong nung Luroi/August 16, 2018 anogo Christian Standard Hr. Sc. School nung azünger class A aser B kaketshirtem Changtongya town nung Daily Bazaar, NST, Police Point aser School temeket mereka senzüa liasü.