Christina Aguilera-i tetong nem ken tenloktsü

August 17, 2015: Nüburtem atema mapa tajung inyaker aser billionaire Ron Perelman’er estate nung ‘The Apollo’ benjungmung akadang ‘Dirty’ ken ajanga nüngtugu akümla, Christina Aguilera-i shilem agiba mapang tetushi tesemdangertem Jack Nicholson, Mary-Kate Olsen, comedian Jimmy Fallon, U.S. Tir atema tokteptsü alisang Chris Christie aser New York City Mayor Bill de Blasio nunger nem ‘Lady Marmalade’ aser ‘Ain’t No Other Man’ kentem tenlokja liasü.

La shilem agiba mapang lai, “Tan hopta ya ni asoshi kanga tepelatsü mapang ka lir, ozü jala iba hopta nung arishi küm ka ajungtsü,” ta metetdakja liasü.

Iba sülen lai tetong Matt Rutler nema ken ka tenloktsü.

Tena kiyimtsü asoshi 2014 Valentine’s Day nü aniasüngtepogo. Christina ya mezüng tebuba asüsang Jordan Bratman den-a arishi küm tenet jabaso, Max sosema lir. Tena 2011 küm balatok.

The Apollo benjung ya Harlem Apollo Theatre nung kaketshisatsü agütsüba nung yaritsü nüngtem nung ayonga akaba lir.