Christina school nung Intl. Day Against Drug Abuse & Trafficking among

Aoyimti (Dimapur), June 26 (TYO): Hombarnü Christina Memorial School, Dimapur nung International Day against drug abuse & trafficking anogomung mungogo.
Iba sentong nung shisalen sayurji Dr. C Tetseo DNO NTCP liasü aser pai PowerPoint presentation ka ajanga temesepba mozü aser moko achiba indang junga rateta metetdaktsüba den külemi item nungi koda pilaa alitsü, item tesayuba agütsü.
Iba sentong ya Kr. Limaienla leniba nung agi, Wb. Hikato-i sarasadem aser Kr. Kanoli Yepth-i temeja ken ka tena liasü.
Christina Memorial school Vice Principal, Wt. Temsujungla-i tepela anküp o jembiba sülen züngsemtemi temesepba mozü aser mokotem nungi pilaa alitsü atema tenangzükba agia iba sentong tembanga liasü.