Christmas 2017 sülen ang Avatar 2 film sayatsü

avatar2Los Angeles, January 24 (Agencies) : James Cameron’-i direct asüba Avatar film sayatsü yongya atar atema tejashitsü ka sangdongogo aser ibaji parnoki film sayatsü metetdakja aliba anogo thinenba indang osang lir.
Iba film ya Christmas 2017 matongdang sayatsü ta mezüngbo sangdonga liasü saka iba mapang tashi nung ano film merenem alitsü, ta TheWrap osang ajanga metetdaktsü.
Production team-i sodi mapang film sayatsü sentong yangluogo ta osang metetdaktsüba sülen ita ka lir director-i film sayaba anogo thinentsü osang sangoktsü.
Iba film atema soundstage construction aser tanga computer animation kar ano metembang lir aser Avatar 2 film yanglu tenzükba indang anogo ano melemteti lir, ta osang kar ajanga ashi.
Disney-i Star Wars Episode VIII ji December 15, 2017 nung sayatsü ta sangoktsüba osang ajanga Avatar 2 sayatsüba anogo thinentsü telemtetba agi asütsü akok ta nisung kari bilemba osang metetdaktsüogo.
Avatar 2 nung Sam Worthington aser Zoe Saldana nati Jake Sully aser Neytiri shilem tanaben agitsü aser Sigourney Weaver-ia film nung adentsü saka lai tanga shilem agitsü.

You must be logged in to post a comment Login