CHSS Career club-i career guidance workshop ayonga agi

Dimapur, March 23 (TYO): March 23, 2019 nü Christian Higher Secondary School Dimapur nung Career Club-i Covenant hall nung “Confluence: Connecting to your Future” omen nung ajemdaker career guidance workshop ka ayongzüka agiogo, ta ketdangsertem osang ka ajanga metetdaktsü.
Iba sentong nung shisalen sayur balalai class 9 aser 10 nung azünger kaketshirtem dang Sepai, fashion designing, event management, journalism, music, film-making, You Tubing, civil services, aviation aser photography indang rasa-a metetdaktsü.
Mezüngbuba session nung tongtibang nisung pezüi parnoki inyaka arudang ajangshibatem aser parnok mapatem indang lemsatep; par pezüji Bambi Kevichüsa (Fashion Designer aser Entrepreneur), Major Vikuto Asumi (Commanding Officer 5th Assam Rifles), Nuneseno Chase (Youth-Net Manager) aser Dr. Kahuka Chishi nunger liasü.
Iba sülen tanabuba sentong panel discussion nung Nise Meruno (Musician), Loye Tungoe aser Aboli Dina (ADL Weddings), Bokavi Swu aser Ariensa Longchar (Dreamz Unlimited), Manoj Sagolsem (Photographer), Janet Kense (Air Hostess) aser Hetoli Yeptho (Human Resource Consultant) nungeri shilem agi.