CHSS compound nung garitem anena yutettsü

Dimapur, December 17 (TYO) : Benjungmung mapang Dimapur jila nung traffic yariteptsü asoshi Christian Higher Secondary School compound nung garitem anentsü atema lapoktsür, ta Dimapur Traffic Police-i metetdaktsü.
December 19 nungi 31, 2016 tashi anepdang 9:00 ako nungi nikongtsütsü 6:00 ako tashi CHSS compound nung garitem anena ayutsü akok, ta sangdong nung shia lir.
Garitem anenbaji Baptist Youth Fellowship Dimapur lanurtemi acha-ayanga reprangtsü aser parking fee tera agitsü, ta ADCP/PRO, Dimapur Police sangdong nungsa metetdaktsü.