CHSS, Dimapur nung seminar sentong tenzükogo

Dimapur, Yimpoksüi/November 01, 2019 (TYO): Covenant Hall, Christian Higher Secondary, Dimapur nung November 01, 2019 Hokolbarnü “Confluence: A Career to Smart Career Choices” omen nung ajemdaker career seminar den repsema education fair sentong ANPSA (Central) president, Nini Sekhose-i lapokja liasü, ta sangdong ka ajanga metedaktsü.
Iba seminar sentong ya alima kanga kara ainba den jangyumedema shisaliok telemsa balala (education curriculum) nung ongdang/tetsüngda ajurutepdaktsütsü/süngdaktsütsü mechi CHSS Career Club-i ayongzüka liasü.
Seminar nung Nini Sekhose-i jembiba mapang kaketshirtem dang, pei shimba career ajanga lokti nem meyipa agütsütsüsa aser “kodang yimjung melidir shisaliokji (education) mezüng asünung” lokti yimjung asoshi shilem agitsü asoshi ajungshia liasü.
Sentong nung Principal CHSS, S. Moatemsu Walling-i telok pela agizükba o jembi. Anogo ana (November 1 aser 2, 2109 ) Seminar sentong atema shisalen sayurji – Rohini Nageshaa Rao (Consultant, Harper Collins); Zubeno Mozhui (Director, Hope Centre of Excellence); Dr. Sagar Gulati (Director TERii, Kurukshetra; aser Prof. Ujjwal K. Chowdhury (Pro Vice Chancellor, ADAMAS University) nunger alitsü.
Iba sentong nung university aser institution 10 – Terii, Assam Downtown University, Rai University, ADAMAS University, JBIT,HMSIT,Alpine Concern,Tetso College,SRM Sikkim aser KL University den Dimapur nungi schools aser colleges 23 agi shilem agidar, ta kasa sangdong ajanga metedaktsüogo.