CHSS hon jubilee nüngtem nung symposium ka agi

Dimapur, September 15 (TYO): Christian Higher Secondary School (CHSS) Dimapur hon jubilee nüngtem nung Hokolbarnü Covenant hall nung “Nagas on the move” omen nung ajemdaker symposium ka ayongzüka agi.
Iba sentong nung Dimapur Deputy Commissioner, Kesonyu Yhome tongti tesemdanger liasü aser pai o jembidang ashiba agi, ‘küm shia asen loktiliba teimba renloka aoer saka asenoki terenlok tsütsü reprangdangra, tamajungba küma aoer.”
“Kija shiai sorkar ya kechi atema tentet’ar angatettsüla aser talisa sorkar sector nung alirtemi ibaji angateta, state indang rongsenji loktliba nung telok ajak nem lemsaa agütsütsüla” ta Yhome-isa ashi.
Linük nung azüngtsü-zülutsü metetba state tem rongnung Nagaland-a jenjang tajung nung lir aser asen state 79.55% inlokogo, ta paisa shisem.
Honibar nikongdang 3:00 ako nungi Covenant Hall nung cultural extravaganza ka agitsü sentong lir.