Chuaungo-i Mizoram Chief Secretary inyaktsü

Aizawl, February 5 (Agencies): Ministry of Home Affairs (MHA)-i Mizoram nung chief secretary tasen inyaktsü atema Lalnunmawia Chuaungo shimogo.
Chuaungo ya 1987 batch indang Gujarat cadre IAS ketdangser ka lir aser pai Arvind Ray melenzüktsü. Ray ya Delhi-i mapa belenogo, ta Mizoram sorkar sangdong ka nung metetdaktsü.
Yaküm Mizoram Assembly election mapang Chuaungo ya Home and Finance department nung principal secretary inyaka liasü saka taoba state chief electoral officer S B Shashank-i Chuaungo dak election maparen nung teka ayir ta tai tongoktsüba ajanga Election Commission-i pa Delhi-i mapa belena liasü.
CEO-i mapa inyakba anema civil society temi noktak aser iba ajanga Shashank agientsüsa aküm.
Election mapa tembangli Chuaungo ya tanaben Mizoram-i yok.