Chuba kümnüsang Denmark nunger Prince Henrik süogo

Copenhagen, Tsüklai 14 (Agencies): Chuba mekümdaktsüba ajanga yimjak nung mepelaba metetdaktsüsang aser Denmark nung Queen Margrethe kinungbu, Prince Henrik arishi küm 83 tain nung süogo.
Mangatettep ken o aika agi sünger alisang aser France nung soa aiteter, Prince Henrik ya taoba küm dementia agi shirangba metet aser tepokpok nung timtem kar adoka Tsüklai nung mozükidangi anir ao.
Danes nungertem aikati ya yimya sabu aser aikati aitsü.
Chuba yimli indang nüngja tsütsü tejashi agi pa asüdang pa kinungtsü anasa aremtsü memulunger, ta pai 2017 nung shia liasü.
Arishi küm 77 tain chubatsüri lar kinungbu telemtetba agizük aser iba ya chuba yimli nung küm 459 tashi amshia aruba yimya raksar tesem balala nung aremtsü, ta Royal House ajanga iba mapang shia liasü.
Prince ya Copenhagen north nung aliba Fredensborg Castle nung mejanga orr lia tesenep nung asü aser iba mapang Queen Margrethe den tena tanur ana – Crown Prince Fredrick aser Prince Joachim – pa anasa liasü.
Prince Henrik ya Aami 11, 1934 nung asoba mapang pa tenüng ya Henri Marie Jean André de Laborde de Monpezat liasü aser 1967 küm crown princess Margrethe den kibong aküm. Pai princess Margrethe ya London nung diplomat ama inyakba mapang ajuru.
Princess Margrethe ya 1972 küm chubatsür akümba mapang monarchies timba nung amshiba ama pa dang Price Consort aja. Princess ka chubatsür akümba mapang la kinungbui chuba menden agir, saka kinungtsü chubatsür kümra kinungbu chuba makümer.
Iba sülen pa tenüng ya Henrik, ta melen.