Chuba Ozukum-i jembiba meyipa agir: Naga Hoho

Dimapur, February 6 (TYO) : Naga Hoho President, Chuba Ozukum-i jembiba onük ka February 5, 2017 nü Indian Express adok nung adokbaji meyipa agir aser onükji agientsür, ta Naga Hoho sangdong ka nung metetdaktsüogo.
Chuba Ozukum-i jembibaji pa kijai bilemba liasü aser Naga Hoho sanen luden züngsemtem tsüngda iba dak sendakba senden kecha mamen, ta General Secretary, Mutsikhoyo Yhobu aser Finance Secretary, Ruungutou Sechu nati sangdong nung shia lir.
State sorkari takhangba ama inyakogo ta Chuba Ozukum-i ashiba Naga Hoho Executive temi magizüker, ta sangdong nungsa shia lir.
Maneni, Chief Minister-i February 8, 2017 nü ayongzükba senden nung Naga Hoho office nungi ketdangpur shinga madentsü aser kar denra, ibaji Naga Hoho tenüng nung masü saka pei nija sasep nung adener asütsü, ta Naga Hoho mendenpurtemisa metetdaktsüogo.