Chubatem aser Putirtem : Sayutsüngir 4:7-12

“Ka dang nungi ana tajungba, kechiaser parnoki inyakba nungi taa tajung kar” (Sayu. 4:9).
Kari ashi Liyim arogo nung medeni tenzükbaji nüji tenzükba (independent). Aji shidak masü. Khristan pur ajaki parnok sasa liyim arogo züngsem küma tekülem aser kulisüba nung adentsüla, saka idakji liyim arogoi mamjemba mapa aika alitsü akok. Laishiba meyipba telok, Bible societies, Relief agütsüba telok, medical tenzükba, züngdangba makai dang tenzükra aji Laishibai melaba ama masü. Liyim arogo nung nisung kati dang anishibaji malitsüla. Pastors, tamburtem, bishops ajakji kasa office asoshi tenüng balala amshiba dang lir (e.g. T.M. 20:17,28). Liyim nungi pilar tenzükba mapa nung lenisübaji kati dang masütsüla. Yisui Pa nütsüngtema anana sayutsüngi yok.
Sen mapa züngdangba makai dang (independent) teraksa adokdaktsür. Osang nüji (independent) atenba jagi tashioktsüba leni anir. Tenzükba mapa nung nüji jagi Lai tesayuba den mapet tesayuba adokdaktsür. Yimsüsüba nüji süa dang yimsü asüba jagi tashi tim mesüi amshidaktsür. Minister kari asüküma ashir, parnok ita sen maka, saka asen tamang agi alir. Shirnok tenteta akaba tentet nung tenzüker parnoka tamang agi alir. Parnoki arok tamang nung inyaker. Tsüngremi parnok nüngdak ita shia moatsütsü ta amangba tamang nung inyaker.
Asenok kijai dang inyakba jagi tulu ka meinyaktetter. Akhi shim o nung ashir, “Kati inyakba dang nungi anasü anati inyaktettsü; parnok mapa nung taa tajung angutsü” (Sayu. 4:9). Independent süa inyakba nung temulung süa inyaktsü akok, saka Tsüngrem  yimli nungbo tulu ka majangzüktsü. Independent süa tenzükba jagi tajizükba mapa/jiilu aiba mapa adokdaktsür koba agi Tsüngrem yimli rongsen laludaktsür. Khrista nung tamangertem ajak  chubatem aser putirtem madak Temaba Putir shiba mapa melenshitsütsü aser züngdangtsü makok, Pa ama meinyaktsüla.
Iba nung independent süa inyaker ajak aitsür ta mangatettsüla. Mapa kar independent süa inyaktsü mapa lir. Ainkartemi tentet mapaji tangu mesashiteti bilemer alitsü. Laishiba tesayurtemi denomination tentetji lenmang noktangba ama bilemtsü akok. Molusongzüi shiki maginer. Aji saka angati mapa inyakbaji kasa sempet alir tain minister den züngdangtepa inyakra kümzüka alitsü.
Oba Tsüngrem, Ne sempet Ne yimli asoshi asüngdangtepa amshitsü sayuang. Amen