Chuchuyimlang Kaketshir Telongjem kümsem Mungdang amung

Dimapur, January 11 (TYO) : Chuchuyimlang Kaketshir Telongjem mezüngbuba kümsem Mungdang (1st Triennial conference) 4th-6th January 2017 nung ” Putu melenshiba den Tsüngkang Medem” omen nung ajemdaker kanga lungsoa mongogo.
Iba Mungdang sentong nung Nagaland minister, Wb. Nuklutoshi tongti tesemdanger aser Shri Bendangyanger (Rtd Drector) tongti O jembir liasü.
Tongti o jembiri Putu melenshiba den Tsüngkang Medem onük nung ajemdaker lanurtem nem tayongzükba balala agüja liasu.
Shri Mangyang Lima, Principal Distric & Session Judge Tuensang ajanga CKT tarutsü Mangdang nung ajemdaker shisalemsaa liasü.
Ano, Wb. Chujang Secy IEF Mokokchung ajanga tanela nung aka-asodakja lanurtem ayongzük.
Iba anogo ana senden nung Wb. Peter George Baker IT Technology services International AT & T India New Delhi pai Technology towards 2020 nung ajemdaker putu melenshia aoba den Tsüngkang medema otettsü tetuyuba agüja liasü.
Dr Sentitula IFS. DFO Tuensang lai shisaliok temaba jenjang tongtettsü aser züngtettsü lenmang balalatem sayua liasü.Wb. Lanuyanger CKT Advisor, Wb. Yarensosang Tatar, Wb. I .Akang Longchar (Rtd DIS) ajanga Jayajako, Sobusolemtsü aser awashiyim tetuyuba balala indang tesayuba agüja liasü.
Iba den külemi CKT institution balala nungi sempet lep salaba sentong tajung agia liasü. Ano Tetsütebou ken den tsüngsangba aser akhi saisapong balalatem sayua tesenteper tangazükba kadakja liasü.
Iba sentong nung shilem agirtem, tarurtem, rongsen agütsürtem ano Chuchuyimlang senso Telongjem aser Fellowship jila balala nungi, Chuchuyimlang village council aser Chuchuyimlang Baptist Arogo, iba dak alaka kija aser telok balala shirnokisa iba sentong takok angutsü asoshi yaritepogo, nenok ajak dang Chuchuyimlang Kaketshir Telongjemi ( CKT ) kanga pelaba metetdaktsüogo.