Chuchuyimlang Merang semchir kidongi tenüngsang agütsü

Dimapur, June 12 (TYO) : Taküm 2016 küm Delhi Public School nungi Class 12 nung AICSC tatidand nung takok angurtem rongnung tematiba takok jenjang angurtem rongnung tentettsüsa Kr. Toshinaroi marks 95.2 % ngutetba takok asoshi la nem tenüngsang agütsüba sentong ka yashi Honibar nü Kids Worship Center, Ana ki, Dimapur nung liogo. Kr. Toshinaro ya Wb.Maongkabaer jala lir.
Iba sentong ya Dimapur Area Merang Semchir Kidong (Chuchuyimlang) purtemi ayongzükba liasü. Parnoki agütsüba tenüngsang agütsüba senpet nung ya sen Rs.20,000/- den tenüngsang agütsüba kuli kaket dena liasü.
Iba senpet ya DAMSK küm 25 ajungba Jubilee amongba nüngtem nung agütsütsü lemteta aliba ama takok angur nem agüja liasü.
Iba sentong nung Wt.Putulai tajungshi o jembi aser Junior Gospel Voice Hunt 2015 nung takok angur Kr.Benjongsolai ken tajung ka tena liasü.