Chuchuyimlang nung International Women’s Day among

Chuchuyimlang, March 9 (TYO) : Chuchuyimlang Watsu Telongjem-i Chuchuyimlang Baptist Arogo, Women Department den yaritepa Chuchuyimlang nung International Women’s Day (IWD) amung.

Iba sentong ya Anu Mai Amphitheatre, Chuchuyimlang nung “Emancipated Women” omen nung ajemdaker amung.

Sentong nung o jembirtemji CBA Pastor, T. Lima aser Village Council Chairman, Ao Sanen Pongen na liasü.

Sentong nungsa Watsu Telongjem, Chuchuyimlang tir Lipokla-i okila jembi, Mar Jamir-i ken ka aten, tetsürtem atema Youth Director Jungshi-i temoatsü meshia sarasadem aser Associate Pastor (W) Narola-i anküp tepela o jembi.

Iba sentong len anirtemji Nungsangrenla aser Tsuktimeren na liasü, Deacon Tongdang-i sentong lapoka sarasadem aser VDB Secretary S. Mar-i tenüngsang agüja sarasadem. Sentong nung aiür aser tantsürtem aika aden aser tarutsü sentongtem atema tetsür telok ka shimteta ayu.