Chumukedima Area Inter Church volleyball asayamung agiogo

Dimapur, Sept 6: Chumukedima Ao Baptist Arogo Youth Department-i acha-ayanga September 3 -5 tashi Tanabuba Chumukedima Area Inter Church volleyball asayamung liogo.
Iba asayamung ya CABA Women Department ajanga sponsor asü aser shisalen sayurji Toshi Longkumer, Youth Director DABA liasü.
Asayamung lapokba sentong nung Er. Lanuwapang, Dy. Director & H.O.D, NIELIT, Kohima aser shibangba sentong nung Tainla Mar, Asst. Professor, FAC Mokokchung na tongti tesemdanger ama shilem agi.
Iba asaymung nung Arogo ter ana tashi shilem agi aser parnok rongnung, Yimchungrü Baptist Church Chumukedima-i mezüngbuba jenjang aser Sumi Baptist Church Chumukedima-i tanububa jenjang takok ngua liasü.
Iba asayamung nung Yinco, Yimchungrü Baptist Church Chumukedima-i asayar rongnung tajungtiba sempet angu.

You must be logged in to post a comment Login