Chumukedima Block Poshan Abhiyan Mission senden amen

Dimapur, June 18 (TYO): June 17, 2019 nü EAC Chumukedima office nung Chumukedima Block pur Poshan Abhiyan Mission senden menogo; iba senden nung Action plan & Jan Andolan aser community Engagement asalentong atema o lemtepa liasü, ta ketdangsertem osang ka ajanga metetdaktsü.
EAC Chumukedima, Thejavizo Nakhro leniba nung amenba senden nung sentong balala atema o lemtep aser züngsemtemi July aser August ita nung IEC ajanga nüburtem nem osang balala metetdaktsütsü lemtet. Züngsemtemisa July aser August ita nung self help group senden amentsü, Panchayat senden aser Local food show agitsü lemtetogo.