Chumukedima jila nung Skill Alli Center semzükogo

Dimapur, Metsüremi/March 01, 2019: Yashi Chumukedima town nung Skill Alli Center semzükba sentong nung tetushi tejaokertem, Skill Alli Board züngsemtem, Training agutsürtem aser training agirtem külemi tangokba noksa nung angur.

Dimapur, March 01 (TYO): School züngtur anenertem aser mapa mengui alir lanurtem nem Beauty & wellness aser Cutting & Tailoring training agutsür Directorate of Employment, Skill Development and Entrepreneurship (NSDC PMKVY Project kübok) den PMKVY training partner, Skill Alli Center, Chumukedima yashi, February 28, 2019 nü tetushi tejaokertem- Thejavizo Nakhro, EAC Chümoukedima, Joseph Keishing, Commandant 173 CRPF aser Kelenguzo Head GB, Chümoukedima nungeri semzüktsüogo, ta tanü Skill Alli Centre Manager, Imliakum-i sangdong ka ajanga metetdaktsü.
Iba sentong nung Skill Alli Board züngsemtem, Training agutsürtem, temeimertem aser Training agirtem densema liasü.
Iba sentong nung jembidang EAC Chumukedima, Thejavizo Nakhro-i training agirtem dang parnok teka mapa balala nendaka arangshitsü ayongzük.
Commandant 173 Bn. CRPF, Joseph Keishing-i training agirtem dang ajangajanga nokdaktsü, aremzüktsü aser entrepreneur ka ama angazüktsü aser peisasa taküm litettsü ayongzük.
Chumukedima jila tenüng nung Head GB, Chumukedima, Kelenguzo-i SKILL ALLI-i iba maparen tenzükba atema tenüngsang agutsüba den külemi iba project ajanga süngjang tajung tangtsütsü imlar, ta metetdaktsü.
Paisa, tarutsü nung akokba tashi iba project nung amalitepa yaritsü, ta nangzük.
Iba sentong ya Prescilla Mech leniba nung agi; Associate Pastor, Ao Baptist Church, Chümoukedima, Imotila Longkumer-i temoatsü meshia sarasadem, Centre Managing Director, Richard Zeliang-i PMKVY aser iba project kübok missions aser mangdang balala indang tongmelang agi metetdaktsü, Imdong Anar-i tepela anküp o jembi aser Chang Baptist Church, Chümoukedima nungi Zakaria Chang-i sentong tembanga sarasadema liasü.