Chumukedima TOT training agi

Dimapur, Luroi/August 12 (TYO): Chumukedima Town nung stakeholders ajaki jana indokba inyakyim tasenba indang meteta alitsü atema August 12, 2019 nü Training of Trainers (TOT) program ka Chumukedima Town Council-i Chiimoukedima Town Hall nung ayongzüka agiogo, ta ketdangsertem osang ka ajanga metetdaktsü.
Iba sentong nung jila nung aliba schools, shisaliok rejutem, Arogotem, CTSU, Tribal Students unions aser Eco clubs nungi züngsemtem aden.
Anüngdang session nung ward ajunga nungi GBs/chairmen, CTYO, Tribal Unions, Mother’s Association, EcoSquad, ward sanitation committees aser Tribal Union Chumukedima Town nungi züngsemtem atema TOT training ka agi.
Iba ya CTC indang IEC mapatong kübok ‘new waste management plan’ lir aser iba ya taküm September ita tetenzüklen tenzüktsü. Maneni taruba hopta nunga stakeholders atema training aika ayongzüka agitsü sentong lir. Official training partner ji For Environment (LIFE) NGO lir.
EAC aser Administrator, Chumukedima TC, Thejavizo Nakhro, NCS-i, training nung adenertem dang jana tapu balala jangjatsü, jana ajemtsü, jana processing, jana segregation, kibok shia nung jana bendenba aser jana timi indoktsü tesayubatem agütsü.
Training nung adenertem fang jana indoknayim tasenba osangji peipei wards, colonies, schools, institutions aser Arogo nung züngsemtem den lemsateptsü mepishia metetdaktsüogo.