Churachandpur DC aser SP nati district toktsür ao

Imphal, February 16, 2024 (Agencies): Manipur kübok Churachandpur district nung Deputy Commissioner (DC) aser Superintendent of Police (SP) nati district toktsür ogo. Brihostibarnü Churachandpur nung mepetmesü adoka raratepba sülen tenati district toktsür ao aser Assam Rifles-i law and order maparen ketdangsüdar.

Indigenous Tribal Leaders’ Forum (ITLF)-i Churachandpur SP aser DC dang ghonda 24 tsüngda district toktsür aotsü mapang züngzüktsüba sülen Hokolbarnü tena ao.

“District nung mepetmesü adokbaji SP Sivanand Surve aser DC S Dharum Kumar na ajanga liasü aser idangji police-i nisung ana khaset anungji DC aser SP nati tashi mangara sorkar office ajak shibangtsü” ta ITLF-i metetdakja liasü.

Kuki head constable Siamlalpaul-i prangpong abenba Kuki nunger kar den tangokba noksa ka atema mapa nungi anentsüba anema nisung telok kati sepaitem den raratep. Iba lendong nung nisung 2 khaset aser 42 yirutsü.

Brihostibar aonung nisung 300-400 shi ka SP office nungpoka atu aser lung ona rara, iba jagi tenük amdaktsüba mokozü amshitsüsa aküm ta Manipur police-i ashi.

Head constable Siamlalpaul mapa nungi anentsüba ya Kuki nunger dak tim masüba mapa inyakba sayur ta nisungtemi ashishitep.

Lendong-tsüdong nungi kümzüka alitsü aser tensa azüoktsü atema Hokolbar nungi tenzüka Churachandpur district nung anogo pungu atema internet services shibangogo.