Churachandpur nung prangpong-injang shibelener 4 apu

Imphal, March 11 (Agencies) : Brihostibarnü Manipur nung Churachandpur Behiang Check Post nung 26 Assam Rifles-i prangpong-injang shibelener nisung pezü apu, ta police-i metetdaktsü.

Parnok ket nungi M-16 Carbine ka aser 5.56 mm indang magazine ka ngutet.

Prangpong-injang shibelenertemji gari ka nung mena liasü aser Mizoram-Manipur arrtsü anasa Assam Rifles-i mita reprangdang apu, ta police-isa metetdaktsü.

Par pezüji S Khupkhansiam, Liannou Same, Sunliangthang aser Kapkhantup nungertem ta jangjaogo aser parnok ajak Singhat Police station ket nung agütsüogo.