Churchill Brothers-i Bengaluru FC kokogo

Vasco, January 28 (Agencies): Hokolbarnü Churchill Brothers-i Bengaluru FC 2-1 agi koka Hero I-League nung mezüngbuba takok nguogo.
Tilak Stadium nung iba asaya nung minute 22buba nung Sunil Chhetri-i mezüng goal agütsü saka minute 33buba nung Anthony Wolfe-i goal agütsüa goal kaji küpdok. Chesterpoul Lyngdoh-i asaya tenzüker minute 54buba nung goal agütsüba ajanga Churchill Brothers-i asaya akok.
Churchill Brothers iba asaya akokba ajanga jenjang 7bubai tuogo. Asaya 5 nung parnoki tang point 4 nguteta lir.
Bengaluru FC pur atema iba ya asaya tanabenbuba atonga makoker asütsü. Parnok-i taoba asaya nung East Bengal makok. Tang parnok point 9 ngua 4buba jenjang nung lir.