CIHSR Campus nung Short Film Screening sentong ayongzük

Dimapur, Luchii/December 06 (TYO): Nagaland Art Centre ajanga Department of Information and Public Relations (DIPR) den lungjemer 25 buba Hornbill Festival nung shilem ka ama Short Film Screening sentong ka December 5 & 6, 2024 anogotem LG Hall, CIHSR Campus, 4th Mile, Chümoukedima nung ayongzüka liasü.

Iba sentong ya Sedevi Angami, Director, CIHSR ajanga moatsü aser The Nagaland Art Center ajaga Department of Information & Public Relations (DIPR) aser CIHSR den lungjemer iba short film screening sentong ayongzük ta ashi.

Northeast nung rangloker alima tesem balala nungi short films tem shimteter iba sentong nung sayua liasü.

Nagaland Art Centre nguteter M. Ababe Ezung aser Sentienla Pongen Ezung nati maneni asen region indang sobaliba senmang art aser film ajanga sayur, ta pai ashi.

Iba sentong nungsa The Nagaland Art Center ajanga lapoktsü aliba theatre, Meyitsiiloo indang osang lemsatepa liasü, kong short films, documentaries aser danga cinematic productions tem sayutsü.