CII-i Nagaland sorkar tasen den külemi inyaknür

Kohima, Metsüremi (March) 10 (Agencies): Nagaland nung sorkar tasen den tesentaktep tajung yur külemi yaritepa aotsü imlar ta Confederation of Indian Industry (CII)-i metetdaktsü.
“Onoki sorkar tasenba moatsür” ta CII North East Council Chairman, & Managing Director, Keventer Agro Ltd Mayank Jalan-i sangdong ka nung ashi.
Terenlok atema akümba sorkar tasen ajanga nübortem aser talisa lanurtem indang taginübatem tongtsütsü onoki tamang akar. State ajungalen renloktsü atema onoki state sorkar tasen den külemi inyaka onür ta CII sangdong nungsa shia lir.
“CII-i Infrastructure, Food Processing, Agriculture, Entrepreneurship Development aser Healthcare aser tang rongdak reprangtsü aliba sector tem nung mapa inyaknür” ta parnokisa shisem.