Cilic-i Cincinnati Masters takok marok agizükogo

Cincinnati, August 22 (Agencies): Taoba US Open champion, Marin Cilic-i Britain nunger Andy Murray final asaya nung tsükdakja, Cincinnati Masters tennis asayamong takok marok yashi, Deobar nü agizükogo.
Croatia nunger Cilic-i yashi minute 94 nung points 6-4, 7-5 ngua Olympics gold 2 tashi atonga agizüksang, Murray tsükdaktsü.
Tan takok anguba ya arishi küm 27 tain Cilic-i 1 buba ATP Masters 1000 asayamong takok marok agizüker lir.
Czech Republic tsür, Karolina Pliskova-ia points 6-3, 6-1 agi Olympic silver medallist, Angelique Kerber final asaya nung tsükdakja tetsür singles takok marok agizükogo.
Germany tsürla, Kerber-i tan tamakok anguba yong lai America tsür, Serena Williams melenzüka tetsür World No. 1 akümtsü jenjang tajung mongutettsüsa jenjang tamajung ajurur lir.
Ano külen, India tsür, Sania Mirza aser Czech Republic tsür, Barbora Strycova nati points 7-5, 6-4 agi Switzerland tsür, Martina Hingis aser America tsür, Coco Vandeweghe na madak takok ngua tetsür doubles takok marok agizükogo.
Tan takok anguba sülen arishi küm 29 tain Mirza tetsür doubles World No. 1 jenjang abener asayar kija akümtsüsa jenjang tajung nguogo.
Mirza aser Hingis nati joko aroki lungjemer masayatsü lemtetba den külemi, Mirza-i takok anguba yong la kijai World No. 1 akümtsü jenjangji angur lir.
Tenati aroki lungjemer masayatsü lemtetaka, Mirza o Hingis nati Singapore nung taküm October ita asayatsü ayongba WTA Tour Champoinships nung tatemsüa aroki lungjemer asayatsü.