Cincinnati Masters asayamung nung Bopanna-Ivan na quarters-i iogo

Ohio, August 18 (Agencies): India nunger tennis tarep asayar Rohan Bopanna aser pa den külemi asayar Croatia nunger Ivan Dodig nati Juan Sebastian Cabal aser Fabio Fognini na madak takok ngua Cincinnati Masters nung quarterfinal-i iogo.
Tarep asaya nung jenjang tenet buba nung alir Bopanna aser Dodig na taoba hopta Montreal nung Rogers Cup asayadang final nung tsük aser Cincinnati Masters round anabuba nung Colombia aser Italy nunger ana madak 5-7, 7-5, aser 10-8 agi takok ngua quarters tongtet.
Kasa asayamung tetsürtem tarep asaya nung India tsür Sania Mirza aser China tsür Shuai Peng nati Irina-Camelia Begu aser Raluca Olaru na madak 6-3, 6-7(1), 10-3 agi koka semifinal tongtetogo.
Bopanna aser Dodig nati Cabal aser Fognini na den ghonda ka ser minute 41 meranga asayar akok.
Tenati quarter nung Lukasz Kubot aser Marcelo Melon a den asayatsü. Kubot-Melon-i Diego Schwartzman aser Mischa Zverev na madak 7-5, 6-2 agi takok angu.
Iba asayamung teburtem kija asaya nung Ramakumar Ramanathan tanabuba round nung tsükba aser Alexander Zverev den Leander Paes tarep asaya mezüng round nung tsükba sülen India nunger teburtem rongnungi Bopanna dang anünga lir.