Cincinnati Open: Mirza o Hingis na semifinal tongogo

Cincinnati, August 22 (Agencies): India’er tetsür tennis asayar mongin, Sania Mirza aser la den külemi asayala, Switzerland tsür, Martina Hingis nati America tsür Christina Mchale aser CoCo Vandeweghe na quarterfinal asaya nung tsükdaktsüba sülen tang tasayadak Cincinnati Open asayamong tetsür doubles shilem indang semifinal asayatsü jenjang tanü Honibar nü nguogo.
Temaba jenjang nung alir Mirza o Hingis nati tanü points 6-4 6-1 ngua takok anguba sülen Chinese Taipei tsür, Hao-Ching Chan aser Yung-Jan Chan na den semifinal asayatsü lemzüka lir.
Singles shilem nung Novak Djokovic, Roger Federer aser Serena Williams nungeria quarterfinal asaya koka semifinal asayatsü jenjang anguba osang jangjaogo.
Serbia nunger Djokovic-i ghonda 1 shi nung points 6-4, 6-1 ngua Switzerland nunger Stanislas Wawrinka madak takok angu.
Djokovic-i Czech Republic nunger Tomas Berdych madak points 6-4, 6-2 agi takok angusang, Ukraine nunger Alexandr Dolgopolov den semifinal nung ajuruteptsü.
Taoba mapang Cincinnati takok marok 6 tashi agizüksang, Federer-ia points 6-3, 6-4 ngua Spain nunger Feliciano Lopez madak takok anguba sülen Britain nunger Andy Murray den semifinal asayatsü jenjang angu.
Murray-ia points 4-6, 6-1, 6-4 agi Richard Gasquet madak takok ngua semifinal asayatsü jenjang ngua lir.
Defending champion, Serena-ia points 3-6, 6-4, 6-2 ngua Ana Ivanovic tsükdaktsüba sülen Elina Svitolina den tetsür singles semifinal asayatsü jenjang ajangzükogo.