Cindy Crawford-i Kendall Jenner ama kümner

September 24, 2015: Arishi küm 49 tain model, Cindy Crawford-i, ‘Keeping Up With the Kardashians’ film tarensen nung shilem agir arishi küm 19, Kendall ama kümner kechiba süra lar züngar asüdang Cindy-ibo la ama akümket jenjang metongteti liasü.
Nai tanü asüng model tasentem, Kendall aser Gigi nunger nükshia bilemer asü ta The Hollywood Reporter osangberi asüngdangdang, Cindy-i, “Ni parnok dak tera tenük yoker kechiba süra parnokibo social media peria amshiteter,” ta langzü.
“Social media amshiba ajanga parnoki pei sasa jenjang tajungba küma yangluteter ta bilemer. Onok model tejentembo tang amai karakara temai adoka metetpelatsü maongka mongutet. Social media nung asenoki asen yimya aser jakla melenshiteter aser tanü asüng lanurtem aikati ibaji kanga junga benshir ta ni amanger.” ta lai ashi.
“Fashion industry kanga jangratemtsüka renlokdar saka tain akümba agi ajak raksar. Küm 30 tashi model ka ama lia aruogo aser tereprangtsü ajungba dak metaloker alir anungji tain akümerji joko kanga saksaka kümogo,” ta lai shisem.